Միջուկային զինանոցների մասին ռուս-ամերիկյան բանակցությունների շարունակությունը բացառված է, քանի որ Մոսկվայի ունեցած միջուկային լիցքերն ու դրանց կրիչների պարամետրերը, որոնք գոյություն են ունեցել1950-1960-ականների վերջերին, առանց այն էլ նվազեցվել են: Այդ մասին գրում է RIA Novosti-ն` վկայակոչելով ՌԴ ԱԳՆ փոխնախարար Սերգեյ Ռյաբկովին:
«Այդ հանգամանքը շատ կարևոր է հասկանալ ոչ միայն Վաշինգտոնի գործընկերներին, այլև միջազգային հանրությանը, որոնք շարունակում են անտեսել փաստերը, հետագա միջուկային կրճատումների օգտին քարոզելով»,- հստակեցրել է նա:
Ռյաբկովը նշել է, որ բանակցությունները ևս մի քանի պատճառներով հնարավոր չեն: Այսպես, ԱՄՆ-ն շարունակում է զարգացնել հակահրթիռային պաշտպանության գլոբալ համակարգն ու գլոբալ ոչ միջուկային հարվածի ծրագիրը միջուկային ուժերի զինաթափման համար, որն, ըստ Մոսկվայի, ապակայունացնում է դրությունը: