Բրիստոլի համալսարանի գիտնականները երեխաների մոտ հետազոտել են խրոնիկ հոգնածության համախտանիշը: Պարզվել է, որ 16 տարեկանների 2 տոկոսն ունի այդ համախանիշը կես տարուց ավել, իսկ շուրջ 3 տոկոսի մոտ այն արտահայտվել է ավելի քան երեք ամիս, գրում է Eurek Alert-ը:
Ընդհանուր առմամբ վերլուծվել են 5756 երեխաների և չափահասների վիճակը: Պարզվել է, որ 13-16 տարեկան աղջիկները երկու անգամ ավելի հաճախ են ունեցել համախտանիշը:
Ի դեպ, մինչև վերջերս հոգնածության համախտանիշը ընդհանրապես չէր համարվում հիվանդություն: Սակայն, այդ կասկածները ցրեցին Կոլումբիայի համալսարանի Վարակների և իմունիտետի կենտրոնը: Նրանք եկան այն եզրակացության, որ խրոնիկ հոգնածության համախտանիշ գոյություն ունի, և դա հանդիսանում է իմունային համակարգի աշխատանքի շեղումների հետևանք: Հայտնի է, որ այդ համախտանիշով մարդիկ տառապում են ուժեղ հոգնածությունից և կենտրոնանալու անկարողությունից` ուժեղ գլխացավերի և մկանային ցավերի պատճառով: