Ռուսաստանի նախագահ Վլադիմիր Պուտինը հայտարարել է, որ Մոսկվան տվյալներ է ստացել, որը հաստատում է, որ արդյունաբերական մասշտաբի նավթը շարունակում է անցնել Թուրքիայի տարածք, հայտնում է gazeta.ru-ն:
Պուտինը բացատրել է, որ Սու-24-ի խոցման որոշումը կայացվել է նրա համար, որպեսզի ապահովի ԴԱԻՇ-ից մատակարարվող նավթի անվտանգությունը հետագա վաճառքի համար:
«Մենք բոլոր հիմքերն ունենք ենթադրելու, որ մեր ինքնաթիռը խոցելու որոշումը պայմանավորված է եղել Թուրքիա նավթ հասցնելու ճանապարհները պաշտպանելու անհրաժեշտությամբ»,- հայտարարել է նախագահը: Պուտինի խոսքերով՝ սիրիական թուրքմենների պաշտպանությունը միայն պատրվակ է:
Ավելի վաղ Պուտինը հայտարարել է, որ Անկարան պետք է պարզի ԴԱԻՇ-ից նավթ ստանալու հարցը: Նրա խոսքերով՝ Մոսկվան ընդունում է, որ Թուրքիայի բարձրագույն քաղաքական ղեկավարությունն այդ մասին ոչինչ չգիտի: Պուտինն ավելացրել է, որ խոսքը գնում է անօրինական նավթի մատակարարման «արդյունաբերական մասշտաբների» մասին: Իր հերթին, Թուրքիայի նախագահ Էրդողանը ժխտել է ԴԱԻՇ-ի հետ նավթի առևտրի վերաբերյալ հայտարարությունը:
