Ադրբեջանական APA լրատվական գործակալության փոխանցմամբ՝ Ադրբեջանի նախագահի աշխատակազմի ղեկավարի տեղակալ, արտաքին կապերի բաժնի պետ Նովրուզ Մամեդովը Twitter-ի իր միկրոբլոգում մեկնաբանել է ռուս-թուրքական հարաբերությունների սրացումը:
«Ադրբեջանը ցավում է, որ Թուրքիայի ու Ռուսաստանի միջև հարաբերություններն այդքան սրվել են։ Թուրքիան մեր ամենամոտ դաշնակիցն է։ Ռուսաստանը մեզ համար նույնպես շատ մոտ, բարեկամական երկիր է։ Ադրբեջանը երկու երկրների հետ էլ կապված է պատմական հանգույցներով։ Երկու երկրների հետ էլ մեր հարաբերությունները գտնվում են ամենաբարձր մակարդակի վրա։ Ադրբեջանը շատ է ցանկանում, որ իր ընկերների միջև չլինի հակամարտություն։ Ադրբեջանը պատրաստ է իր ներդրումն ունենալ Ռուսաստանի ու Թուրքիայի միջև հարաբերություններում լարվածության նվազեցման հարցում»,- հայտնել է Մամեդովը։