Strategy Analytics հետազոտական ընկերության տվյալներով՝ 2015 թվականի երրորդ եռամսյակում «խելացի» ժամացույցների համաշխարհային մատակարարումներն ավելացել են 510 տոկոսով և հասել 6.1 մլն միավորի։ Այս մասին հայտնում է internetua.com-ն։
Apple-ը գլխավորում է «խելացի» ժամացույցների շուկան՝ 74 տոկոս մասնաբաժնով։ Ընկերությունը գաղտնի է պահում մատակարարումների հստակ թիվը, սակայն վերլուծաբանները կարծում են, որ դիտարկվող ժամանակահատվածում մատակարարվել է առնվազն 4.5 մլն ժամացույց։ Apple Watch-ը մեծ պահանջարկ ունի Հյուսիսային Ամերիկայում, Արևմտյան Եվրոպայում և Ասիայում։ Այն վաճառվում է արդեն աշխարհի ավելի քան 30 երկրներում։
Երկրորդ տեղում հարավկորեական Samsung-ն է, որը հուլիսից սեպտեմբեր մատակարարել է 600 հազար սմարթ ժամացույց՝ անցած տարվա նույն ժամանակահատվածում մատակարարված 700 հազարի փոխարեն։ Նրա մասնաբաժինը վերլուծաբանները գնահատել են մոտ 10 տոկոս։