Այս տարվա New York Auto Show ավտոսրահում Mercedes-Benz ընկերությունը հանրությանն է ներկայացրել իր նորույթները: Այս մասին հաղորդում է Carscoop կայքը: Խոսքը SLS AMG Roadster-ի և ևս մեկ մեքենայի մասին է, որի վերաբերյալ համարյա տեղեկություններ չկան: SLS AMG Roadster մոդելը վերջերս նկարահանվել է Գերմանիայում իրականացվող թեստային փորձարկումների ժամանակ:
Սակայն AMG թյունինգային ընկերության ղեկավար Օլա Կալլենիուսն ավելի վաղ հայտարարել է, որ SLS AMG Roadster-ի պաշտոնական պրեմիերան տեղի կունենա 2011թ.-ի Ֆրանկֆուրտի ավտոսրահում:
Ինչ վերաբերում է այն կոնցեպտին, որը Mercedes-ը կբերի New York Auto Show-2011-ին, ապա դա էլ է ամբողջությամբ պատված հանելուկներով: Կանխատեսվում է, որ դա լինելու է կամ B-Class-ի, կամ էլ M-Class-ի նորացված տարբերակը:
Բացի այդ, ապրիլին կայանալիք New York Auto Show-2011-ին ընկերությունը կցուցադրի նաև C63 AMG Coupe և նոր SLK մոդելները: Այս նոր մոդելների մասին ավելի մանրամասն տեղեկությունները հայտնի կլինեն մոտ ժամանակներում:
