ԱՄՆ-ը կշարունակի ռազմական աջակցություն ցուցաբերել Սիրիայի ընդդիմությանը` ԴԱԻՇ (Իրաքի և Շամի իսլամական պետություն) ահաբեկչական խմբավորման նկատմամբ հաղթանակի հասնելու համար: Այս մասին հայտարարել է Ազգային անվտանգության գծով ԱՄՆ նախագահի խորհրդականի տեղակալ Բեն Ռոդսը, գրում է RIA Novosti-ն:
«Սիրիայում մի շարք ընդդիմադիր խմբերի աջակցություն ցուցաբերելու պատճառներից մեկը ԴԱԻՇ-ի դեմ ակնհայտ պայքարն է: Բայց մյուս պատճառը վստահ լինելն է, որ նրանք այն ընդդիմությունն են, որը վստահություն է առաջացնում երկրում, և որը կարող է անցման մաս լինել»,- հայտարարել է Ռոդսը:
Նրա խոսքերով` այդ ընդդիմության ջանքերը երկրում կարող են հանգեցնել «մեծ կայունության»: Ռոդսը կրկին ընդգծել է, որ Վաշինգտոնը Սիրիայում հակամարտության միայն ռազմական լուծումն անհնարին է համարում:
Ինչ վերաբերում է Սիրիայում ՌԴ գործողություններին, ապա ըստ Ռոդսի` դրանք «հակաարտադրողական են»:
