Նավթ արտահանող երկրների կազմակերպությունը (ՕՊԵԿ) օգոստոսին շարունակել է մեծացնել նավթի արդյունահանումը օրական 13.2 հազար բարելով՝ հասցնելով օրական 31.54 մլն բարելի։ Այս մասին ասվում է կազմակերպության սեպտեմբերյան զեկույցում։
Կազմակերպությունը նշում է, որ առանց Իրաքի տվյալները հաշվի առնելու՝ ՕՊԵԿ-ի արդյունահանումն անցած ամիս կազմել է օրական 27.48 մլն բարել (99 հազար բարելի աճ)։ Այսպիսով՝ օգոստոսին ՕՊԵԿ-ը կրկին բարձրացրել է օրական 30 մլն բարել արդյունահանելու սեփական սահմանված քվոտան։ ՕՊԵԿ-ի մասնաբաժինը համաշխարհային արդյունաբերությունում անցած ամիս կազմել է 33.4 տոկոս՝ նախորդ ամսվա 33.3 տոկոսի դիմաց։
Օգոստոսին աշխարհում նավթի արդյունահանման ընդհանուր ծավալը նվազել է օրական 0.53 մլն բարելով՝ հասնելով օրական 94.62 մլն բարելի։
Օգոստոսին Իրաքում նավթի արդյունահանումը, առաջնային աղբյուրների տվյալներով, աճել է ամսական արտահայտմամբ օրական 42 հազար բարելով՝ հասնեով օրական 3.76 մլն բարելի։ Օգոստոսին «սև ոսկու» արդյունահանումն աճել է նաև Կատարում, Քուվեյթում և Իրանում։