Հունաստանի վարչապետ Ալեքսիս Ցիպրասը ելույթ ունենալով հուլիսի 3-ին Աթենքում իր կողմնակիցների բազմահազարանոց ցույցի ժամանակ, կրկին կոչ է արել քաղաքացիներին հուլիսի 5-ի հանրաքվեում մերժել պարտատերերի պայմանները: Այդ մասին հայտնում է Reuters-ը:
Նա վստահություն է հայտնել, որ քաղաքացիները կլսեն իր կոչը և երկուշաբթի կլինեն հաղթող: Վարչապետը նաև կարծիք է հայտնել, որ Եվրոպան կապ չունի վերջնագրի հետ: Նրա բառերով, աթենքցիները ուզում են, որ Եվրոպան վերադառնա իր հիմնական արժեքներին: «Կիրակի մենք ոչ թե պարզապես կորոշենք՝ մնա՞լ Եվրոպայում, այլ կորոշենք՝ մնա՞լ Եվրոպայում արժանապատվությամբ, աշխատել և ծաղկել Եվրոպայում»,- ասել է վարչապետը:
Նա կոչ է արել հույներին քվեարկել վարկատուների առաջարկի դեմ:
Տվյալ պահին Հունաստանի պարտքը կազմում է 315 միլիարդ եվրո: Արժույթի միջազգային հիմնադրամի գնահատականով՝ հանրապետությունում իրավիճակի նորմալացման համար հարկավոր է 52 միլիոն եվրո մոտակա 3 տարիների ընթացքում, ինչպես նաև արտաքին պարտքի մի մասի դուրսգրում: