Huawei ընկերությունը հունիսի 30-ին ներկայացրել է Honor 7 նոր սմարթֆոնը, հայտնում է ageofcomp.info-ն:
Այն ամբողջովին պատրաստված է ալյումինե համաձուլվածքից և կվաճառվի արծաթագույն, ոսկեգույն և մուգ մոխրագույն տարբերակներով: Huawei Honor 7-ը ունի 5․2 դույմ 1080p կետայնությամբ էկրան և աշխատում է Kirin 935 չիփսեթով, որն ունի 2․2 ԳՀց հաճախականությամբ չորս միջուկանի Cortex-A53 պրոցեսոր: Ինչպես նաև, սմարթֆոնն ունի 3 ԳԲ օպերատիվ հիշողությամբ Mali-T628 GPU գրաֆիկա, որը իհարկե աշխարհի ամենաարագ չիպը չէ, սակայն այն ամբողջովին բավարար է 1080p կետայնության համար:
Honor 7-ի տեսախցիկն ունի 20 Մպ AF-ով տվիչ, կրկնակի լուսադիոդային լուսարձակում և 8 Մպ սելֆի տեսախցիկ: Մատնահետքերի սկաները գտնվում է հիմնական տեսախցիկից քիչ ներքև:
Այլ հետաքրքիր դետալներից են արագ լիցքավորվող 3100 մԱժ ծավալով մարտկոցը և Android 5.0 Lollipop-ը Emotion 3.1 ինտերֆեյսով:
Huawei-ն Honor 7-ը կթողարկվի երեք տարբերակներով` մեկ SIM քարտ 16 Գբ, Dual-SIM մոդել և Dual-SIM 64 Գբ մոդել: Honor 7-ն արդեն այսօրվանից կարելի է նախապես պատվիրել:
http://youtu.be/jyIU1LZhXfw