Իսպանիայի նախարարների խորհուրդը երկրի հարավում գտնվող ռազմաօդային բազայում` Մորոնա-դե-լա-Ֆրոնտերայում, հավանության է արժանացրել մինչև 2.2 հազար ԱՄՆ զինվորականների մշտական ներկայությունն Աֆրիկայում իրականացվելիք օպերացիաների համար: Այս մասին գրում է TASS-ը` վկայակոչելով տեղի ԶԼՄ-ներին:
Նրանց տվյալներով` բազայի տարածքում բացի ամերիկյան ծովային հետևակներից կարող են 500 քաղաքացիական անձինք գտնվել, ինչպես նաև՝ 26 ինքնաթիռներ: Վաշինգտոնն իր հերթին պետք է 29 մլն դոլար հատկացնի ռազմական օբյեկտի ռազմական ենթակառույցի բարելավման համար:
Նշվում է, որ ԱՄՆ զինվորականների հիմնական խնդիրն է Աֆրիկայի հյուսիսում և արևմուտքում օպերացիաների իրականացումը` ճգնաժամային դրության դեպքում:
Նախատեսվում է, որ բազայի կարգավիճակի փոփոխության մասին համաձայնագիրը պետք է ստորագրեն Իսպանիայի արտաքին գործերի և համագործակցության նախարար Խոսե Մանուել Գարսիա-Մարգալյո Մարֆիլը և ԱՄՆ պետքարտուղար Ջոն Քերին` մայիսի 31-ից հունիսի 1-ն Իսպանիա կատարվելիք այցի ժամանակ: