Մոդել Քեյթ Մոսի խոսքով՝ ինքն ատում է գեղեցկության սրահները, գրում է spletnik.ru-ն:
«Սովորաբար ես եղունգներիս համար ընտրում եմ ալ երանգի լաքեր: Եթե անձամբ լաք չեմ քսում, ապա գնում եմ Լոնդոնի Primrose Hill փոքրիկ սրահը, որտեղ չես տեսնի ոչ մի ավելորդություն: Իսկ ընդհանրապես ատում եմ գեղեցկության սրահներում գտնվել, ավելի լավ է այդ ժամանակն անցկացնեմ դստերս հետ»,- խոստովանել է մոդելը իր վերջին հարցազրույցներից մեկում:
Նա նաև ասել է, որ չի նորացնում զգեստապահարանը արձակուրդ գնալուց առաջ:
«Ես երբեք չեմ պլանավորում, թե ինչ հետս արձակուրդ կտանեմ, թեև ամեն անգամ նոր բիկինի եմ գնում: Սովորաբար ես ճամպրուկիս մեջ եմ դնում սև ու մոխրագույն ջինսեր, մի քանի շապիկ, բաճկոն կամ լողազգեստ. դա կախված է ուղևորության վայրից: Ահա այն ամենը, ինչ ինձ հարկավոր է, ու անձնագիրս: Ես հաստատ նման չեմ այն աղջիկներին, որոնց համար ուղևորությունը արարողություն է: Անգամ եթե իմ ուղեբեռը կորչի, կարող եմ պարզապես նորը գնել»,- ասել է Մոսը:
