Փարիզի դե լա Շապել X շրջանի բնակիչների ակտիվ բողոքների պատճառով Ֆրանսիայի մայրաքաղաքում թմրանյութերի օգտագործման առաջին փորձնական կենտրոնը` նվազագույն վտանգով, կլինի Լարիբուազյեր հիվանդանոցում: Տեղեկությունն արդեն հաստատել է քաղաքպետի տեղակալ Բեռնար Ժոմյեն, գրում է Le Parisien-ը:
Քաղաքապետարանի ներկայացուցիչը հստակեցրել է, որ կենտրոնի գտնվելու ստույգ վայրը, որը կունենա 200 քառ․ մետր հիվանդանոցային տարածք, դեռևս որոշված չէ, սակայն վստահեցրել է, որ այցելուները չեն անցնի հիվանդանոցի գլխավոր մուտքով: Նրանք առանձին մուտք կունենան:
Կենտրոնի բացումը 2016-ի սկզբից շուտ տեղի չի ունենա:
