Փարիզը մտադիր չէ ընդունել Իրանի միջուկային ծրագրի համաձայնագիրը առանց Իրանի բոլոր օբյեկտներին, այդ թվում՝ ռազմական, ամբողջական հասանելիություն ունենալու, հայտարարել է Ֆրանսիայի արտաքին գործերի նախարար Լորան Ֆաբիուսը, հայտնում է vz.ru-ն:
Նախօրյակին հայտնի դարձավ, որ Իրանը և «վեցյակի» երկրները հայտարարել են Իրանի միջուկային ծրագրի հարցերով վերջնական համաձայնության տեքստի կազմման մասին: Միայն մեծ բարդություններ են առաջ եկել պատժամիջոցների հարցերի և, այսպես կոչված, նախկին ռազմական չափերի վերաբերյալ:
Ավելի վաղ Իրանի խորհրդարանի պատգամավոր Կամալեդին Պիրմոազենը հայտնել էր, որ «վեցյակի» երկրները Իրանի միջուկային ծրագրի շրջանակներում Իրանի հետ պայմանավորվել են տնտեսական և ֆինանսական պատժամիջոցների միաժամանակյա չեղյալ հայտարարելու մասին:
Հիշեցնենք, որ ապրիլի 2-ին Իրանի և «վեցյակի» միջև պայմանավորվածություն էր ստեղծվել միջուկային ծրագրի հարցով, ըստ որի՝ ուրանի հարստացման Իրանի հզորությունների 2/3-ը տասը տարով պետք է կանգնեցվեին, իսկ Իրանը պարտավորվել էր 25 տարով բոլոր ծրագրերը դնել միջազգային հսկողության տակ:
