Ռուսաստանը հարկավոր է ներառել «Արևելյան գործընկերության» երկրների մեջ, գրում է աշխարհաքաղաքականության հարցերով ֆրանսիացի փորձագետ Տոմա Ֆլիշի դե լա Նևիլը Le Nouvel Observateur ամսագրի համար գրված հոդվածում:
«Փաստացի արևելյան գործընկերության քարտեզը բավական որոշակիորեն ներկայացնում է երկու «պաշտպանիչ գոտիներ» (որում ներառված են երեքական երկրներ), որոնք հստակ տարանջատված են Սև ծովով:
Առաջինը սահմանակցում է Ռուսաստանին՝ արևելքում (Ուկրաինա, Բելառուս ու Մոլդովա), այն դեպքում, երբ երկրորդը՝ հարավում (Ադրբեջան, Վրաստան ու Հայաստան)»,- գրում է քաղաքագետը:
Նա նշել է, որ այդ երկու աշխարհագրական գոտիները բազմիցս օգտագործվել են Ռուսաստանի և Արևմուտքի երկրների կողմից:
Տվյալ պահին, ըստ Լա Նևիլի, հենց Արևմտյան Եվրոպան, որը դարձել է ԱՄՆ-ի «անդրատլանտյան արտաքին պաշտպանական գոտին», ձգտում է իր ազդեցությունը տարածել այդ գոտիներում:
«Ռուսաստանը, որը գործընկերությունից դուրս է, ոչ առանց հիմնավորման դա դիտարկում է որպես ԵՄ կողմից հնարավոր ինստիտուցիոնալացում իր ազդեցության գոտիներում արևելքում ու հարավում»,- գրում է նա:
Նա կարծում է, որ պետությունները, որ մտնում են «Արևելյան գործընկերության» մեջ, մոտ են նրան, որ դառնան «ռազմականացված սահմաններ»: