Քեմբրիջի դքսուհու քույրը՝ Փիփփա Միդլթոնը, քննադատության է արժանացել կետի մսի համտեսման համար:
Այդ մասին Միդլթոնը գրել է իր հոդվածում, որը նվիրված էր Նորվեգիա կատարած այցին: Հոդվածում Փիփփան հիշատակել է տեղի ռեստորան այցելության մասին, որտեղ նրան բախտ է վիճակվել կետի մսից պատրաստված ճաշատեսակ համտեսել:
«Կետի միսն ըստ համի հիշեցնում է կարպաչո, բայց տեսքից կարծես եղնիկի միս լինի»,- նշել է Փիփփան:
Կետերի և դելֆինների պահպանության կազմակերպության ներկայացուցիչները վրդովված են Միդլթոնի արարքից՝ մեղադրելով նրան դաժանության և հիմարության մեջ: