Պարզվում է՝ Lego կոնստրուկտորի գունավոր աղյուսներով կարելի է ոչ միայն խաղալ, այլև դրանցից պատրաստել կրեատիվ գործեր, օրինակ՝ կանանց իսկական պայուսակներ։ Աքսեսուարները շատ վառ են, ոճային և օրիգինալ՝ գրում է Novate.ru-ն:
Agabab ապրանքանիշը Lego-ի դետալներից ստեղծում է նման պայուսակներ: Այդ գաղափարը դիզայների մոտ ծագել է 6 տարի առաջ: Այդ ժամանակ նա դրանցով պատրաստում էր տարբեր զարդեր։
Հեղինակին բավականին ժամանակ է անհրաժեշտ եղել դիզայնը վերամշակելու, ճիշտ մեթոդներ և միջոցներ ընտրելու համար: Նպատակն այն էր, որ բացի կոնստրուկտորի դետալներից՝ այլ նյութերը նվազագույնս օգտագործվեն:
Ստացվել են բավականին ամուր, գունեղ, պրակտիկ և իհարկե՝ օրիգինալ պայուսակներ: