Instagram-ում հրապարակված սելֆիների թվով ԱՄՆ-ում Հավայան կղզիներն առաջատարի դիրքում է, իսկ Բրիտանիայում ամենաակտիվ սելֆի-քաղաքը Բրայթոնն է ճանաչվել: Նման տվյալներ է ստացել CreateInNow սերվիսը:
Տվյալները հավաքվել են 2014թ. նոյեմբերից 2015թ. հունվարն ընկած ժամանակահատվածում: Հաշվի են առնվել միայն #selfie հեշթեգով սելֆիները: Այնուհետև, վարկանիշային աղյուսակը կազմողները սելֆիների թիվը համադրել են տվյալ վայրի բնակչության թվի հետ, որպեսզի պարզեն, թե 100 հազար բնակչությանը քանի սելֆի է բաժին ընկնում:
Արդյունքում պարզվել է, որ ԱՄՆ-ում սելֆիներ հրապարակող ամենաակատիվ նահանգը Հավայան կղզիներն են, որի 100 հազար բնակչությանը ավելի քան հինգ սելֆի է բաժին ընկնում: Երկրորդ տեղում՝ Նևադան, այնուհետև Նյու Յորքն է հայտնվել: Սելֆիների նկատմամբ նվազագուն հետաքրքրություն է առաջացել Այդահոյում, Վայոմինգում և Հարավային Դակոտայում:
Բրիտանական Բրայթոն քաղաքում 100 հազար բնակչությանը 7 սելֆի է բաժին ընկնում, երկրորդ տեղում Մանչեսթերն է, իսկ երրորդ տեղում՝ Լոնդոնը: