Լիբանանցի դիզայներ Էլի Սաաբն ամեն տարի բացարձակապես նույն ոճով հավաքածու է թողարկում, սակայն միևնույն ժամանակ հիացնում է երկրպագուներին, ինչպես նաև հայտնիների մի մեծ բանակ է հավաքում, ովքեր ցանկանում են կարմիր գորգերին Elie Saab-ի զգեստ կրել, գրում է elle.ru-ն:
Այս անգամ նույնպես պոդիումի վրա մետրերով ժանյակ, շիֆոն և մեծ քանակությամբ բյուրեղներ են եղել: Նոր տարրը փետուրն էր: Գրեթե յուրաքանչյուր մոդելի մեծ քանակությամբ փետուրներ են զարդարել:
Ինչպես միշտ, ամենբողջ հավաքածուն մի քանի գունային բլոկների է բաժանվել: Այս տարվա գունապնակը ծխամոխրագույնը, մարգարտագույնը, բեժը, վարդագույնը և գունատ-կանաչն է:
Դիզայները երեկոյան զգեստների ամբողջական հավաքածու է ստեղծել՝ հանդիսավոր երկարից մինչև կարճը: «Օսկարի» նախաշեմին հայտնիները մեծ ընտրություն ունեն:
Խոսելով ոգեշնչման աղբյուրների մասին՝ Էլի Սաաբն ասել է, որ առաջին հերթին այս սեզոնի մոդելների վրա ազդել է իր հարազատ Լիբանանի 60-70-ականների մշակույթը:
Իհարկե, գլխավոր անակնկալը դիզայները պահել է եզրափակիչ ցուցադրության համար, երբ պոդիում է բարձրացել հարսանեկան զգեստով Մոդելը: Զգեստը զարդարված է եղել հազարավոր փետուրներով և բյուրեղներով: