Ֆրանսիայում արդեն երկրորդ անգամ է ավտոմեքենայի վարորդը կանխամտածված վրաերթի ենթարկում անցորդներին՝ նրանց վրա ուղղելով ավտոմեքենան Նանտ քաղաքի Սուրբծննդյան շուկայում: Ինչպես հաղորդվում է, տուժել է 10 մարդ: Դեպքը տեղի է ունեցել երեկ՝ դեկտեմբերի 22-ին: Այս մասին գրում է Associated Franc Presse-ը:
Նշվում է, որ 5 տուժածներ ստացել են լուրջ մարմնական վնասվածքներ:
Վարորդը անցորդներին ենթարկել է վրաերթի, որից հետո իրեն հասցրել դանակի տասը հարված՝ փորձելով վերջ տալ կյանքին: Ներկայում նա գտնվում է վերակենդանացման բաժանմունքում:
Հիշեցնենք. այս դեպքից մեկ օր առաջ՝ դեկտեմբերի 21-ին, Ֆրանսիայի Ջիոնե քաղաքում անհայտ տղամարդը «Ալլահ աքբար» բղավելով՝ քաղաքի տարբեր հատվածներում վրաերթի է ենթարկել 13 անցորդների, որոնցից երկուսը ծանր վիճակում են:
Ինչպես ավելի ուշ հստակեցրել է ոստիկանությունը՝ այդ մարդը տառապել է հոգեկան խանգարմամբ: Հետաքննությունը հանգել է այն եզրակացության, որ նա որևէ կերպ կապված չէ ահաբեկիչների հետ: