Boeing ամերիկյան ավիացիոն հսկայի միջազգային գործունեությունը վերահսկող ստորաբաժանանման՝ Boeing International-ի նախագահ Շեփարդ Հիլը 2015թ. ապրիլի 1-ին կլքի իր պաշտոնը: Այս մասին հայտնում է Ria Novosti-ն:
«Boeing International-ի նախագահ Շեփարդ Հիլը հայտարարել է 2015թ. ապրիլի 1-ին ընկերության ղեկավարի պաշտոնը լքելու իր մտադրության մասին»,- ասվում է կազմակերպության մամլո հաղորդագրության մեջ:
Սպասվում է, որ Հիլին կփոխարինի Մարկ Ալլենը, որը ներկայումս Boeing Capital-ի՝ ընկերության ֆինանսական ստորաբաժանման նախագահն է:
Շեփարդ Հիլը Boeing International-ը ղեկավարում է 2007 թվականից: Բացի դրանից՝ 2009 թվականից նա եղել է նաև ընկերության բիզնեսի և ռազմավարության զարգացման հարցերով ստորաբաժանման ղեկավարը:
