Բրիտանական Jaguar ավտոարտադրողը տեսահոլովակում ցուցադրել է իր հեղափոխական տեխնիկական լուծումը, որը հնարավորություն է տալիս ավտոմեքենայի առջևի կանգնակները թափանցիկ դարձնել: Այս մասին հայտնում է Spectrum-ը:
Համակարգը կոչվում է 360 Virtual Urban Windscreen և կազմված է մի քանի տեսախցիկից: Դրանք այնպես են տեղադրված, որպեսզի տտարածությունը նկարահանեն ավտոմեքենայի դրսի մասից, որը վարորդի աչքից թաքնվում է կանգնակների հետևում: Պատկերը երևակվում է կանգնակների վրա՝ սրահի ներսում, ինչը թափքի այդ տարրերի թափանցիկության էֆեկտ է ստեղծում:
Բացի դրանից՝ համակարգը հաղորդիչների օգնությամբ հետևում է վարորդի գլխի շարժումներին և «թափանցիկ» է դարձնում աջ կամ ձախ կանգնակը՝ կախված այն բանից, թե որ կողմ է նայում վարորդը: Համակարգը նաև համալրված է Follow Me նավիգացիայի գործառույթով. Դիմապակու վրա երևակվում է դիմացից ընթացող ավտոմեքենայի պատկերը:
