Անցած երեքշաբթի օրը Ջեք Հաջինյանը պաշտոնապես ստանձնել է ԱՄՆ-ի Կալիֆորնիա նահանգի Մոնտեբելո քաղաքի քաղաքապետի պարտականությունները՝ դառնալով այդ պաշտոնում ընտրված առաջին ամերիկահայը: Այդ մասին տեղեկացնում է «Ազատությունը»՝ հղում անելով Լոս Անջելեսի «Ասպարեզ» պարբերականին:
Քաղաքային խորհրդի նիստը տեղի է ունեցել տեղի Սուրբ Խաչ հայկական եկեղեցու Բաղրամյան սրահում, այն բացվել է Հայ Առաքելական եկեղեցու Մեծի Տանն Կիլիկիո կաթողիկոսության ԱՄՆ-ի Արևմտյան թեմի առաջնորդ Մուշեղ արքեպիսկոպոս Մարտիրոսյանի աղոթքով: