ՆԱՏՕ-ն ցանկանում է Ռուսաստանի հետ հարաբերությունների բարելավում մինչև այն մակարդակը, որտեղ դրանք էին Բեռլինյան պատի անկումից և սառը պատերազմի ավարտից հետո, հայտարարել է դաշինքի գլխավոր քարտուղար Յենս Սթոլթենբերգը Հունաստանի ԱԳՆ ղեկավարի հետ բանակցություններից հետո մամլո ասուլիսում։ Այս մասին տեղեկացնում է RIA Novosti–ն։
«Մենք չենք ցանկանում դիմակայություն սառը պատերազմի պայմաններում, ինչպես և Ռուսաստանի շահերից է բխում վստահության միջոցների ձեռնարկումը։ Մենք ցանկանում ենք հասնել համագործակցության այնպիսի հարաբերությունների, Ռուսաստանի և ՆԱՏՕ-ի միջև այնպիսի կառուցողական հարաբերությունների, որոնք եղել են Բեռլինյան պատի անկումից և սառը պատերազմի ավարտից հետո»,- հայտարարել է դաշինքի գլխավոր քարտուղարը։
Այդ նպատակով անհրաժեշտ է բարձրացնել դաշինքի ԶՈՒ պատրաստականությունը, համարում է գլխավոր քարտուղարը։ «Դա նշանակում է, որ ՆԱՏՕ-ն պետք է մնա ուժեղ, որ պետք է մշտական պատրաստականության մեջ լինեն նաև մեր ուժերը։ Այդ պատճառով մենք միջոցներ ենք ներդրում մեր զինված ուժերի պատրաստականության բարձրացման մեջ»,- ասել է Սթոլթենբերգը լրագրողներին։
