Ինչո՞ւ բյուջեի քննարկումներին չեն գալիս Տարոն Մարգարյանն ու Սուրիկ Խաչատրյանը: Այս հարցը ԱԺ-ում 2015-ի բյուջեի քննարկումների ժամանակ բարձրացրել է ՀԱԿ խմբակցության պատգամավոր Նիկոլ Փաշինյանը, երբ Ֆինանսների փոխնախարար Պավել Սաֆարյանը ներկայացնում էր 2015-ին մարզպետարանների և համայնքների բյուջեները:
Փոխնախարարի խոսքով՝ համայնքային բյուջեներում ավելացումները աշխատավարձերի գծով են, ինչպես նաև պայմանավորված են օգոստոսի 1-ից էլեկտրաէներգիայի թանկացմամբ:
«2014-ի համեմատ բոլոր մարզպետարաննների պահպանման ծախսերը ավելացել են՝ կազմելով 1,873 մլրդ դրամ, որից 873-ը աշխատավարձերի ավելացման գծով: Մյուս ծախսերի գծով էական փոփոխություններ չկան, կան 200-300 հազար դրամի ավելացումներ կամ պակասեցումներ: Ծախսեր կան, որոնք նվազեցվել են, ըստ էության հաշվեկշիռն այնպիսին է, որ մեկի ավելացումով և մյուսի պակասեցումով բալասավորվում է: Հաջորդ կարևոր ցուցանիշը համայնքների դոտացիաներն են, որոնք հաջորդ տարի ծրագրավորվել են 144 միլիարդ դրամի չափով»,-ասաց փոխնախարարը:
ՀԱԿ խմբակցության պատգամավոր Նիկոլ Փաշինյանն անդրադառնալով քննարկմանը նկատեց, որ արդեն երեք տարի մասնակցում է բյուջեի քննարկումներին, սակայն ոչ մի անգամ այդ քննարկումներին չի տեղել Երևանի քաղաքապետ Տարոն Մարգարյանին կամ Սյունիքի մարզպետ Սուրիկ Խաչատրյանը:
«Երեք տարի ես տեսնում եմ ԱԺ ստորագրած կարգադրությունը պետական բյուջեի նախագծի քննարկումների ժամանակացույց, որտեղ գրված է, որ երեք տարի է ես մասնակցում եմ այս քննարկումներին և երեք տարի ոչ մի անգամ չեմ տեսել Երևանի քաղաքապետ Տարոն Մարգարյանին և Սյունիքի մարզպետ Սուրեն Խաչատրյանին: Չեմ հասկանում Հայաստանում պաշտոնյաների «դեդավշչինա» գոյություն ունի՞, գալիս են առավել ոչ արտոնյալները, գուցե նրանք ովքեր պատամագիտության կոչումներ ունեն, բայց նրանց հարմար չէ այս քննարկումներին մասնակցել, երեք տարի բարձրացրել եմ, երեք տարի էլ լսել եմ պատասխան, որ գործ ունի Տարոն Մարգարյանը, Սուրեն Խաչատրյանը: Բայց ինչպես Տարոն մարգարյանը կամ Սուրեն Խաչատրյանը կարևոր գործեր ունեն, ես էլ ունեմ կարևոր գործեր, և չեմ մասնակցի, ցտեսություն, ես ձեզ շատ արդյունավետ քննարկում եմ ցանկանում»:
