Բուդապեշտի կենտրոնում հսկայական տղամարդը դուրս է սողում գետնի տակից: Նկարիչ Ervin Loránth Hervé-ն ստեղծել է տպավորիչ քանդակ, որը կզարդարի Ժամանակակից արվեստների միջազգային տոնավաճառը՝ գրում է kulturologia.ru-ն:
Քանդակը, որը կրում է «Հայտնություն» հեգնական անվանումը, մոնտաժի ժամանակ հեղինակի համար շատ դժվարություններ է ստեղծել: Գետնի անհավասարությունները մի քանի օրով հետաձգել են քանդակը տեղադրելու աշխատանքները: Հսկայական տղամարդու քանդակն ամբողջությամբ ստեղծված է պոլիստիրոլից և պատված է կտորով՝ նման խոտածածկույթի:
Հեղինակը հուսով է, որ շնորհիվ քանդակի ֆոնին արված սելֆիների՝ այն մեծ ճանաչում ձեռք կբերի ամբողջ աշխարհում:
