Արևի տակ զբոսանքը կարող է պաշտպանել ավելորդ կիլոգրամներ հավաքելուց ՝ պնդում են գիտնականները: Հետազոտողների խոսքերով՝ ուլտրամանուշակագույն ճառագայթների ազդեցությունը կարող է օգնել սպիտակուցի արտազատմանը, որը դանդաղեցնում է ճարպակալման և 2-րդ տիպի շաքարախտի զարգացումը:
Ազոտի օքսիդը, որն արտազատվում է արևի ճառագայթների ազդեցությամբ, կարևոր դեր է խաղում մետաբոլիզմի ժամանակ:
Էդինբուրգի և Սաութհեմփթոնի համալսարանների գիտնականների խումբը կոչ է արել զանգվածաբար տարածել արևային ճառագայթների օգտակարության մասին տեղեկությունը:
«Սրա նման հետազոտությունները օգնում է մեզ հասկանալու, թե որքան օգտակար կարող է լինել արևը մեզ համար: Ընդ որում, կարիք չկա մոռանալ մաշկի քաղցկեղի մասին, որը կարող է մահացու ավարտ ունենալ, այդ պատճառով պետք է կարգավորել արևի տակ մնալու ժամանակը»,- ասել է հետազոտական խմբի ղեկավար Ռիչարդ Ուելերը:
Գիտնականները զգուշացնում են, որ իրենց արդյունքները հիմնված են մկների վրա կատարած հետազոտության վրա և կարող են տարածվել մարդկանց վրա: Հարկավոր են հավելյալ հետազոտություններ, որպեսզի հաստատվի արևի ազդեցությունը քաշի վերահսկման և շաքարախտի առաջացման հավանականության վրա: