Կատալոնիայի խորհրդարանը երեկ հավանության է արժանացրել բանաձևը, որը աջակցում է նոյեմբերի 9-ին բնակչության շրջանում հարցման անցկացումը Իսպանիայի այդ ինքնավար մարզի ինքնիշխանության վերաբերյալ, հայտնում է ITAR-TASS-ը:
Դրանում կոչ կա՝ հարցումը անցկացնել «դեմոկրատական երաշխիքներին ու օրենքներին համապատասխան»:
Բանաձևում նաև պահանջներ կան Կատալոնիայի կառավարության ղեկավարին՝ «խորհրդարանի հետ համաձայնեցնել գործողություններն այն դեպքում, եթե առաջանան նոր հանգամանքներ՝ կապված Կատալոնիայի ապագայի որոշման դեմոկրատական գործընթացի հետ»:
Ինչպես կարծում են իսպանացի փորձագետները, այդ արտահայտությունը պարունակում է խորհրդարանական նոր որոշումների ընդունում, եթե իսպանական կառավարությունը արգելի հարցման անցկացնումը:
Բանաձևի օգտին հանդես է եկել 86 պատգամավոր ազգայնական կուսակցություններից, ներառյալ իշխող կուսակցությունը, ինչպես նաև 3 սոցիալիստ պատգանավոր, դեմ է հանդես եկել 44 պատգամավոր:
