Հոլիվուդյան աստղերը հաճախ են ուժերի գերլարումով աշխատում: Բազմաթիվ նկարահանումներ, ընդունելություններ, երեկույթներ, մարզումներ… Լարված օրվանից հետո յուրաքանչյուրն իր յուրահատուկ մեթոդով է հանգստանում:
Lady.ru-ն առաջարկում է ծանոթանալ, թե ինչպես են հանգստանում հոլիվուդյան աստղերը:
Քրիստինա Ռիչին ակտիվ հանգիստ է ընտրում: Ծանր օրվանից հետո նա երաժշտություն է միացնում և սկսում է պարել: Դիետոլոգներն ու առողջ ապրելակերպի հրահանգիչները համաձայն են, որ պարերն օգնում են ազատվել ավելորդ կալորիաներից: Իսկ գիտնականները նշում են պարի ժամանակ երջանկության հորմոնի արտազատվելու փաստը:
Բրիթնի Սփիրսը հոգեկան հանգստություն ձեռք բերելու համար յոգայով է զբաղվել և նույնիսկ այցելել է հոգեբույժի: Սակայն նրան միայն այգեգործությունն է օգնել: Գեղեցիկ փնջերով բացված ծաղիկները նրան ուժ են հաղորդում և բարձրացնում են տրամադրությունը:
Ջուլիա Ռոբերթսը նախընտրում է բազկաթոռին նստած հանգստանալ: Նա չի կարդում և սիրային մելոդրամաներ էլ չի դիտում, այլ զբաղվում է ձեռագործով: Ասում են, որ նման կերպ են հանգստանում Սարա Ջեսիկա Փարքերը և Էշլի Սինփսոնը:
Անջելինա Ջոլին հանգստանալու իր մեթոդն ունի, նա դանակներ է նետում:
Քեթի Հոլմսի համար համեղ կերակուրից, հանքային ջրից և լավ ֆիլմից առավել հանգստի միջոց չկա: Սակայն այն խորհուրդ չի տրվում չարաշահել, քանի որ սթրեսը հացով ուտել չի կարելի:
Փերիս Հիլթոնը սիրում է հանգստանալ իր ընտանի կենդանիների շրջապատում: Նա փորձում է որքան հնարավոր է երկար ժամանակ անցկացնել իր շնիկների հետ, և նույնիսկ նրանց զբոսանքը համատեղում է այլ օգտակար զբաղմունքների հետ, օրինակ՝ գնումներ է կատարում: