Բարեգործական ակցիայի շրջանակում Ice Bucket Challenge տեսախցիկի առաջ սառցաջրով ցողվելը կարող էր ողբերգական ավարտ ունենալ ԱՄՆ Քենտուկի նահանգի Քեմփբելսվիլ քաղաքի երկու հրշեջների համար:
Հրշեջները խորը այրվածքներ էին ստացել հոսանքահարումից, քանի որ նրանց մաշկն ու հագուստը թաց էին եղել ակցիայից հետո:
Ինչպես հայտնում է տեղի Kentucky.com պարբերականը, հրշեջ ծառայության աշխտակիցները օգնում էին տեղի ուսանողներին կազմակերպել սառցաջրով մարդկանց ցողելու ակցիա:
Երբ տեսանկարահանումն ավարտվել է, 2 հրշեջ՝ 41-ամյա Թոնի Գրայդերն ու 22-ամյա Սայմոն Քուինը, սկսել էին իջեցնել աստիճանը, երբ նրանց հարվածեց բարձրավոլտ էլեկտրական հոսանքը, որ անցնում էր մեքենայի հարևանությամբ:
Հրշեջների թաց հագուստը միայն ուժեղացրել է այրվածքները: Վերջիններս տեղափոխվել են հիվանդանոցներ խորը այրվածքներով, տղամարդկանցից մեկի վիճակը ծանր է: