Այսօր հայկական ջազի և էստրադայի աստղերի ճեմուղում տեղի ունեցավ ՀՀ ժողովրդական արտիստ, կոմպոզիտոր Մարտին Վարդազարյանի աստղի բացումը: Բացմանը ներկա էին ինչպես արվեստագետներ, այնպես էլ վարպետի ստեղծագործությունները արժևորող երևանցիներ: Մասնակցում էր նաև Երևանի քաղաքապետ Տարոն Մարգարյանը:
«Առաջին լրատվական»-ի հետ զրուցում կոմպոզիտորն ընդգծեց, որ կարծում է, թե շատ ավելի արժանի մարդիկ կային, որոնց աստղը պետք է լիներ: «Ինձ համարում եմ արժանիների մեջ ամենաանարժանը»,- ասաց նա: Ըստ Մարտին Վարդազարյանի՝ այսպիսի մոտեցումը խոսում է այն մասին, որ մեր հասարակությունը գնահատում է արժեքները, արվեստը: Կոմպոզիտորը նաև ընդգծեց. «Ցավոք, առաջին քարն է, աստղը, որ դրվում է «մեղադրյալի» ներկայությամբ, այսինքն՝ կենդանության օրոք»: