Սուպերմոդել Սինդի Քրոուֆորդը հիշել է, թե ինչպես է երազել ազատվել իր առասպելական խալից, որը զզվելի է համարել: Բարեբախտաբար, այդ մտքից աղջկան ետ է պահել մայրը: Այդ մասին 48-ամյա աստղը պատմել է Into the Gloss ամսագրին տված հարցազրույցում:
«Մայրս միշտ ասում էր` «դու գիտես ինչ տեսք ունի քո խալը, բայց չգիտես ինչ տեսք կունենա սպին»: Հիմա այն իմ դեմքի մի մասն է, որի մասին ես չեմ մտածում: Դա այն բանն է, որի շնորհիվ մարդիկ ինձ ճանաչում են: Նրա շնորհիվ խալ ունեցող շատ կանայք ինձ հետ են նույնացվում»,- նշել է սուպերմոդելը:
Քրոուֆորդը ընդունել է, որ մինչ օրս էլ գոհ չէ հայելու մեջ իր արտացոլանքով: Այդ խնդիրը լուծելու համար մոդելն իրեն 2 տարի ժամանակ է տվել:
«Ես սովորական կին եմ, երբեմն ինքս ինձ լավիկն եմ զգում, իսկ որոշ օրեր մտածում եմ` Աստված իմ, ինչ սարսափելի եմ: Իմ որոշումը հետևյալն է`մինչև 50 տարիս լրանալը ես պետք է հաշտվեմ մարմնիս հետ»,- նշել է Քրոուֆորդը: