Իտալիայում երկու լեսբուհիների Հռոմի մոտակայքում գտնվող փոքրիկ քաղաքի լողափում համբուրվելու համար դատարանով են սպառնացել: Ինչպես գրում է The Local-ը՝ գործը դատարանին հանձնելու հարցը մոտակա ժամանակում պետք է որոշի Չիվիտավեկյա քաղաքի դատախազությունը:
Գործի նյութերում ասվում է, որ 29 և 34 տարեկան երկու կին լողափին նստած հաբուրվել են: Դրա ականատեսներ են դարձել լողափի այլ այցելուները, ովքեր և բողոքել են ոստիկանությանը՝ կանանց վարքը անվայել անվանելով: Դեպքը տեղի է ունեցել մեկ տարի առաջ, սակայն, գործի քննությունը դեռ շարունակվում է:
Լեսբուհիների փաստաբանը հայտարարել է, որ իր հաճախորդները սեքսուալ բնույթի արարքներ թույլ չեն տվել: «Եթե իհարկե, ձեզ չի թվում, որ երկու կանանց համբույրը, այն էլ մեր օրերում, կարելի է անբարոյական անվանել », — նշել է նա:
Հրատարակչությունը նշում է, որ ավելի վաղ Իտալիայում հոմոսեքսուալ զույգին արդեն պատասխանատվության ենթարկել են հասարակական վայրում համբուրվելու համար: Պատժի տեսակը չի նշվում: