Նյու Յորքի Jacob Javits Center համալիրում մայիսի 10-ին տեղի է ունեցել ռեժիսոր Բրայան Սինգերի «Իքս մարդիկ. անցած ապագայի օրերը» ֆիլմի համաշխարհային պրեմիերան, գրում է Spletnik.ru-ն:
Ֆիլմը ներկայացրել են Ջենիֆեր Լոուրենսը ընկերոջ՝ Նիքոլաս Հոլթի հետ, Հյու Ջեքմանը, Մայք Ֆասբենդերը, Ջեյմս ՄաքԷվոյը, Էվան Փիթերսը հարսնացուի՝ Էննա Ռոբերթսի հետ, Էլլեն Փեյջը և ուրիշներ:
23-ամյա Լոուրենսը պրեմիերայի համար ընտրել է Jason Wu կապույտ զգեստը՝ հանդերձանքը համալրելով Jimmy Choo-ի կոշիկներով, Ana Khouri զարդերով և Kotur-ի կլատչով:
Էննա Ռոբերթսը փայլել է Katie Ermilio-ի վարդագույն մետաքսե զգեստով և Jimmy Choo Typhoon-ի կաշվե կոշիկներով ու Dana Rebecca-ի զարդերով:
Հյու Ջեքմանը արարողությանը ժամանել է քթի վիրակապով. նրան վերստին մաշկի քաղցկեղ են ախտորոշել, իսկ դերասանը հույս ունի, որ կհաղթահարի հիվանդությունը:
Նոր ֆիլմը ամերիկյան վարձույթում կհայտնվի մայիսի 23-ին:
