Ինչպես հաղորդում է Bloomberg գործակալությունը, MGM Resorts International սեփականատեր Քըրք Քըրքորյանը հայտարարել է, որ 200 մլն ԱՄՆ դոլար է փոխանցելու Կալիֆոռնիայի համալսարանի բարեգործական հիմնադրամին:
Լինսի հիմնադրամը կստեղծի մեկ այլ՝ Dream հիմնադրամ, որը կղեկավարվի Կալիֆոռնիայի համալսարանի հիմնադրամի կողմից և կաջակցի բժշկական հետազոտություններին ու ակադեմիական ծրագրերին ինչպես համալսարանում, այնպես էլ ԱՄՆ մյուս նահանգներում: Այս մասին ասվում է համալսարանի կայքում:
Գործակալությունը հիշեցնում է, որ 93-ամյա միլիարդատիրոջ կողմից ստեղծված Լինսի հիմնադրամը մինչև այս պահը ավելի քան 1,1 մլրդ դոլար է փոխանցել բարեգործական կարիքների համար` դպրոցներին, հիվանդանոցներին և հայկական բարեգործական հիմնադրամներին:
Կալիֆոռնիայի համալսարանն իր հայտարարության մեջ շնորհակալություն է հայտնել Քըրքորյանին նման մեծ աջակցության համար:
