Եվրասիական միությունը ստեղծվում է ինտեգրվելու համար ԵՄ-ին Արևմուտքում և ասիական էկոնոմիկային` Արևելքում: Այսպիսի կարծիք, ըստ ITAR-TASS-ի, հայտնել է Բելառուսի նախագահ Ալեքսանդր Լուկաշենկոն` ելույթ ունենալով Անկախության օրվան նվիրված հանդիսավոր արարողությանը:
«Արևմուտքում ու Արևելքում ձևավորում են երկու հզոր տնտեսական բևեռներ` Եվրամիությունն ու Արևելաասիական տարածաշրջանը, որը ներառում է երկու մեծ պետություն` Չինաստանն ու Ճապոնիան: Կարծես հենց աշխարհագրությունը մեզ թելադրի, որ այդ երկու բևեռների մեջ հայտնվել է կապող օղակ»,- ասել է նա:
Նրա խոսքով` այդ պատճառով է Եվրասիական տնտեսական միությունը «հզոր, գլոբալ, սակայն դա միայն առաջին քայլն է»:
«Այն ձևավորվում է մեր կողմից ոչ թե փակ շուկայի ստեղծման համար, ոչ թե ինչ-որ մեկին հակազդելու համար, ոչ թե մեկուսացման, այլ ԵՄ-ի հետ արևմուտքում հետագա ինտեգրման և արևելքում ասիական տնտեսությունների դինամիկ զարգացման համար»,- ասել է նա:
Լուկաշենկոյի խոսքով` հենց դա է սկզբունքորեն տարբերում եվրասիական նոր նախագիծը պատմական նմանատիպ այլ նախագծերից:
