Երգչուհի Արմինկան օրերս «Հարսնաքարում» տեղի ունեցած ծեծկռտուքը որակում է որպես մի դեպք, որը «ոչ մի արդարացում չունի»: «Առաջին լրատվական»-ի հետ զրույցում նա նշեց, որ, ինչպես յուրաքանչյուր նորմալ մարդ և քաղաքացի, ինքն էլ շատ վատ է վերաբերվում այս երևույթին. «Ես չգիտեմ՝ իրականում ինչն է եղել պատճառը, որովհետև շատ չեմ հետևում լրատվամիջոցների աշխատանքին, ամեն դեպքում սա սարսափելի դեպք է, որը ոչ մի արդարացում չունի: Մեր քաղաքում ամեն րոպե տեղի են ունենում նեգատիվ երևույթներ: Անկառավարելի վիճակ է, ամեն քայլափոխի յուրաքնչյուրիս հետ կարող է ինչ-որ բան պատահել, և դա անողները դրա համար կարող են պատասխան չտալ»:
Երգչուհու կարծիքով՝ մեր երկրում պաշտպանված չեն մարդկային իրավունքները. «Դու քո երկրում պիտի լինես պաշտպանված. եթե քեզ փողոցում անտեղի նեղացնում են, դու որևէ օրինապահ մարմնի՝ ոստիկանի կամ զինծառայողի պիտի կարողանաս վստահ մոտենալ և պաշտպանություն գտնել»:
