Լեհաստանում ու Ուկրաինայում անցկացվող Եվրո-2012-ի առաջին խաղերը մեծ հետաքրքրություն են առաջացրել ԱՄՆ-ի հեռուստադիտողների շրջանում:
Ինչպես գրում է The New York Post-ը` հղում կատարելով ESPN ու ABC հեռուստաալիքների տվյալներին, Եվրո-2012-ի լսարանը միջինը կազմում է ավելի քան 1,3 մլն մարդ: Համեմատության համար նշենք, որ Եվրո-2008-ի ժամանակ հեռուստադիտողների թիվը 428 հազար էր:
Օրինակ` Իսպանիայի ու Իտալիայի հավաքականների միջև խաղը դիտել է 2,1 մլն մարդ, ավելին, քան Եվրո-2008-ի ցանկացած խաղի ժամանակ՝ բացառությամբ եզրափակիչի, որտեղ խաղում էին Իսպանիան ու Գերմանիան:
Եվրո-2012-ի վարկանիշն ավելի բարձր կլիներ, եթե խաղերը տեղի ունենային ամերկացիների համար ավելի հարմար ժամանակ:
Երևանի ժամանակով խաղերը սկսվում են ժ. 20։00-ին, ԱՄՆ-ում ցուցադրվում են առավոտյան, իսկ 22:45-ի խաղերը` ճաշի ժամանակ, ինչի պատճառով գրասենյակային աշխատողները գրեթե զրկված են դրանք դիտելու հնարավորությունից:
Եվրոպայում ֆուտբոլիԵվրոպայի առաջնության վարկանիշն անհամեմատ բարձր է, քան ԱՄՆ-ում: Օրինակ` Գերմանիայի ու Նիդեռլանդների հավաքականների միջև խաղը դիտել է ավելի քան 27 մլն մարդ, Անգլիայի ու Ֆրանսիայի հավաքականների խաղը, ինչպես հաղորդում է The Chicago Tribune-ը, Մեծ Բրիտանիայում էկրանների մոտ է համախմբել 12,3 մլն մարդու:
