Փարիզը հույս ունի, որ Ռուսաստանը կսատարի Ֆրանսիայի և նրա գործընկերների՝ Սիրիայի դեմ պատասխան գործողություններ իրականացնելու ձգտումը` Դամասկոսի կողմից ՄԱԿ–ի և ԱՊԼ–ի հատուկ բանագնաց Քոֆի Անանի ծրագիրը չիրականացնելու պարագայում։ Այս մասին չորեքշաբթի օրը հայտարարել է Ֆրանսիայի ՆԳՆ ղեկավար Լորան Ֆաբիուսը:
Ինչպես հաղորդում է Ria Novosti–ն, Փարիզում տեղի ունեցած մամլո ասուլիսի ժամանակ Ֆաբիուսն ասել է, որ Անանի ծրագրի իրականացումը, որն առաջին հերթին նախատեսում է ռազմական գործողությունների դադարեցում, անհրաժեշտ է կցել ՄԱԿ կանոնադրության 7-րդ գլխին:
«Գործողություններ խաղաղության հանդեպ սպառնալիքների, խաղաղության խախտման և ագրեսիայի դեմ» անվանումով այդ գլուխը նախատեսում է ՄԱԿ ԱԽ–ի կողմից կիրառել ինչպես պատժամիջոցներ, այնպես էլ խաղաղությունն ու անվտանգությունը վերականգնելու համար զինված ուժեր։
«Ռուսաստանն ու Չինաստանն արգելափակում են բոլոր գործողությունները ՄԱԿ-ի շրջանակներում: Մենք առաջարկում ենք անդրադառնալ 7-րդ գլխին, որպեսզի միջոցների ձեռնարկումը դառնա պարտադիր: Մենք հույս ունենք, որ Ռուսաստանը կաջակցի մեզ 7-րդ գլխի շրջանակներում `Քոֆի Անանի բանաձևն իրականացնելու հարցում»,- նշել է Ֆաբիուսը:
