Տարածված կարծիքի համաձայն՝ շաբաթը երեք պարապմունք՝ ավանդական թերապիայի հետ մեկտեղ թույլ են տալիս բուժել դեպրեսիան: Սակայն բրիտանական մասնագետների վերջին հետազոտությունները հերքում են այդ պնդումները։ Այս մասին գրում է BBC-ն:
Բրիստոլի և Էքսետերի համալսարանի մասնագետները մեկ տարվա ընթացքում հետազոտել են 361 հիվանդի: Նրանք սահմանել են, որ ֆիզիկական ակտիվության բարձրացումն առանձնապես չի ազդել մարդկանց վիճակի վրա: Տարեվերջին դեպրեսիայի ախտանշաններ նկատվել են բոլորի մոտ:
«Շատ հիվանդներ գերադասում են բուժվել այլընտրանքային միջոցների օգնությամբ, հրաժարվում են հաբեր ընդունել: Սակայն դա կարող է վտանգավոր տարբերակ լինել, չնայած ֆիզիկական ակտիվությունն ընդհանուր առմամբ դրական է անդրադառնում առողջության վրա»,- նշել է հեղինակներից մեկը՝ պրոֆեսսոր Ջոն Քեմբելը: