Մասսաչուսեթսի նախկին նահանգապետ Միթ Ռոմնին, որը հավակնում է ԱՄՆ նախագահի պաշտոնին Հանրապետական կուսակցությունից, հայտարարել է, որ Բարաք Օբամայի ադմինիստրացիան կոպիտ սխալ է կատարել` երկիր մուտք գործելու վիզա տրամադրելով Ռաուլ Կաստրոյի դստերը` Մարիելա Կաստրոյին: Այս մասին մայիսի 22-ին գրել է Agence France-Presse-ը:
Մարիելա Կաստրոն կմասնակցի լատինամերիկյան հետազոտությունների ամենամյա համաժողովին, որը տեղի կունենա մայիսի 23-26-ը Սան Ֆրանցիսկոյում:
Ռոմնիի հայտարարության մեջ նշվում է այն մասին, որ ԱՄՆ-ը չպետք է տեղի տա Կուբայի տոտալիտար ռեժիմին, որտեղ պարբերաբար խախտվում են մարդու իրավունքները: Նա ընդգծել է, որ Կաստրոն պետական չինովնիկ է, իսկ Սպիտակ տանը հարկ էր կանգնել կուբայական ընդդիմության կողքին: Ռոմնին հիշեցրել է, որ Կուբայում լրտեսության մեղադրանքով 15-ամյա ազատազրկման մեջ է ամերիկացի Ալան Գրոսը:
Օբամայի ադմինիստրացիան էլ մայիսի 18-ին նկատել է, որ նման դեպքերում վիզային քաղաքականությունը «չեն կապում» երկրի քաղաքական ու տնտեսական համագործակցության հետ:
Նշվում է, որ Վաշինգտոնը հաճախ է վիզայի տրամադրման հարցում մերժում կուբացի չինովնիկներին, սակայն սահմանափակումները համեմատաբար մեղմացել են Օբամայի ժամանակ:
Մարիելան ԱՄՆ-ում եղել է 2002թ. դարձյալ համաժողովի մասնակցելու նպատակով: