Ինչպես տեղեկացրել է «Առաջին լրատվականը», Եգիպտոսում բռնկված հուզումների հետևանքով երկրում շեշտակի աճել է գողությունների թիվը, քանի որ հատկապես մեծ քաղաքներում բացակայում է ոստիկանությունը:
Երեկ ոստիկանությունը վերադարձել է Կահիրեի փողոցներ, սակայն նրա գործառույթների մեջ մտնում է միայն թալանով զբաղվողներին չեզոքացնելը:
Օգտվելով այն հանգամանքից, որ փողոցները լի են ցուցարարներով, իսկ ոստիկանությունը կա՛մ զբաղված է նրանց դեմ պայքարելով, կա՛մ ընդհանրապես գոյություն չունի, թալանվել են մի քանի մեծ խանութներ, բազմաթիվ բնակարաններ:
Մենք հայտնել էինք, որ ներխուժում էր եղել նաև Կահիերի Ազգային թանգարան:
Ըստ ականատեսների, ոստիկանությունն ու զինվորականները սկսել են հետապնդել թալանով զբաղվողներին և չենթարկվելու դեպքում անմիջապես կրակ են բացում:
Թալանը կանխելու համար որոշ քաղաքներում եգիպտացիները ստիպված են եղել ստեղծել քաղաքացիական պաշտպանության կոմիտեներ և ինքնուրույն կարգ ու կանոն հաստատել իրենց քաղաքների փողոցներում: Այս մասին հաղորդում է РИА-Нововсти գործակալությունը:
