News Georgia-ի փոխանցմամբ՝ Վրաստանի վարչապետ Նիկա Գիլաուրին կառավարության նիստի ժամանակ հայտարարել է, որ իրենց կանխատեսումներով՝ այս տարի տնտեսական աճը կազմելու է 6 տոկոս.
«Առաջին եռամսյակի տվյալները ցույց են տալիս, որ մենք կարող ենք կանխատեսվող տնտեսական աճը նախատեսված 5 տոկոսից հասցնել 6 տոկոսի: Ինֆլյացիայի ցուցանիշը 6 տոկոսից նվազելու է 5 տոկոսի: Արդյունքում, ՀՆԱ-ն կազմելու է 26 միլիարդ 967 միլիոն լարի (մոտ 16 միլիարդ 540 միլիոն դոլար), ինչը նշանակում է, որ մեկ շնչին բաժին ընկնող եկամուտը կազմում է ավելի քան 3500 դոլար:
Մինչդեռ 2003 թվականին այդ ցուցանիշը 4 անգամ ավելի պակաս էր՝ 900 դոլար: Այս տարի Վրաստանի պետբյուջեի եկամտաբերության մասն ավելանալու է 200 միլիոն լարիով, ինչը պայմանավորված է արտոնագրերի վաճառքից (նախատեսվածից 100 միլիոն լարի ավելի) ստացված հասույթով, ինչպես նաև դրամաշնորհների մեծացմամբ»:
