Berkshire Hathaway ներդրումային ընկերության հիմնադիր և գլխավոր տնօրեն Ուորեն Բաֆեթը խոստովանել է, որ հրաժարվել է 22 մլրդ դոլարի ակտիվներ գնելուց: Սակայն, ինչպես հաղորդում է Bloomberg-ը, միլիարդատերը չի պարզաբանել, որ ընկերության մասին է խոսքը:
Բաֆեթի խոսքերով՝ ինքը որոշել էր իրականացնել գնումը, քանի որ ցանկանում էր կանխիկացնել Berkshire-ին լավ եկամուտ բերող տարբեր ընկերությունների բաժնետոմսերի մեջ ներդրումները:
81-ամյա գործարարը հայտարարել է, որ իր ֆինանսական կայսրության ժառանգը այնքան խոշոր ներդրումներ է կատարում, որ ճգնաժամի ժամանակ Goldman Sachs-ում և General Electric-ում 8 մլրդ դոլարի ներդրումը ոչինչ է թվում:
The Financial Times-ը գրում է, որ Բաֆեթը հրաժարվել է նշել իր ժառանգի անունը, բայց ընդգծել է, որ նա «ամուր կառչած է ընկերության մշակույթին»: Միլիարդատիրոջ խոսքերով՝ Berkshire Hathaway-ի նոր ղեկավարը մի շարք հարցերում իրենից լավը կլինի:
Բաֆեթի հնարավոր փոխարինողի մասին լուրերը վաղուց են շրջանառվում: Այս պահին որպես հնարավոր թեկնածու դիտարկվում են ընկերության ապահովագրական բաժանմունքի ղեկավար Աջիթ Ջայնը և MidAmerican ենթակառուցվածքային ընկերության ղեկավար Գրեգ Հեյբելը:
Ուորեն Բաֆեթը աշխարհի ամենահարուստ մարդկանցից մեկն է, և 44 մլրդ դոլար կարողությամբ Forbes-ի համապատասխան ցուցակում գրավում է երրորդ տեղը:
