Ռազմական դատարանը, որի նիստը շաբաթ օրը տեղի է ունեցել Գուանտանամոյում, մեղադրանք է ներկայացրել ԱՄՆ-ում 2001 թ. սեպտեմբերի 11-ին տեղի ունեցած ահաբեկչության համար կասկածվողներին: Մեղադրյալները մեղադանքը լուռ լսել են` չպատասխանելով դատարանի ոչ մի հարցին:
Մեղադրյալների թվում է Հալիդ Շեյխ Մոհամեդը, ով համարվում է ԱՄՆ պատմության մեջ ամենաարյունալի ահաբեկչության կազմակերպիչը: Նա երեք տարվա ընթացքում առաջին անգամ կանգնել է հասարակության առջև:
Երեք մեղադրյալներն էլ հրաժարվել են պատասխանել` իրենց մեղավոր ճանաչո՞ւմ են, թե՞ ոչ: Բացի դրանից` ենթադրաբար, ահաբեկիչները արհամարհել են դատարանին ամբողջ նիստի ընթացքում: Ամենասկզբից նրանք հանել են թարգմանության համար նախատեսված ականջակալները և ծնկաչոք աղոթել են: Ավելի ուշ նրանցից երկուսը սկսել են թերթել Economist ամսագիրը: Թե ինչպես է նրանց հաջողվել ամսագիր բերել նիստերի դահլիճ` հայտնի չէ: Նույնիսկ այն ժամանակ, երբ թարգմանիչ է հրավիրվել դատարանի հարցերը թարգմանելու համար, ձերբակալվածները մասնակից չեն եղել:
Եթե դատարանը նրանց մեղավոր ճանաչի, ապա նրանք մահապատժի կենթարկվեն:
