Անցած շաբաթ Los Angeles Weekly ամսագիրը հրապարակել է «բոլոր ժամանակների» ամենասեքսուալ երգչուհիների թոփ-20-ը: Վարկանշային աղյուսակի կազմողները այնքան էլ իրենց նեղություն չեն տվել անցյալի աստղերի փնտրտուքներում, այդ իսկ պատճառով «թեժ տասնյակում» տեղ են գտել միայն վերջին տասնամյակի երգչուհիներ: Այս մասին գրում է NEWSru Israel-ը:
Առաջին հորիզոնականում է հայտնվել 35-ամյա կոլումբացի երգչուհի, պարուհի Շակիրան (ամբողջական անունը` Շակիրա Իզաբել Մեբարաք Ռիպել): Երգչուհին հայտնի է ոչ միայն իր երաժշտական հաջողություններով: 1997թ. նա հիմնադրել է Fundacion Pies Descalzos բարեգործական ընկերությունը, որն օգնում է լատինամերիկացի աղքատ ընտանիքների երեխաներին:
Թոփ-20-յակում են հայտնվել նաև Բրիթնի Սփիրսը, Բեյոնսեն,Ավրիլ Լավինը, Շիրլի Մենսոնը, Մադոննան, Ջենիֆեր Լոպեսը, ով անցած տարի գլխավորում էր աշխարհի ամենագեղեցիկ մարդկանց թոփ-15-յակը, Թեյլոր Սվիֆթը, Քորթնի Լավը և Սամանտա Ֆոքսը:
Վարկանշային աղյուսակում տեղ են գտել նաև Դեբի Հարրին, Նիկոն. Սթիվի Նիքսը, Գրեյս Ջոնսը:
Անհայտ պատճառներով աղյուսակից դուրս է մնացել երգչուհի Ռիհաննան, ով 2011թ. Esquire ամսագրի կողմից ճանաչվել էր մոլորակի ամենասեքսուալ կին:
