Ճապոնիայում իր սիրեկաններին սպանած կինը դատապարտվել է մահապատժի: Երեք տղամարդկանց կինը սպանել է 2009թ.: Այս մասին տեղեկացրել է BBC-ն:
37–ամյա Կանաի Կիձիման իր բոլոր սիրեկանների հետ ծանոթացել է ինտերնետի միջոցով: Կինը տղամարդկանց սկզբում քնեցրել է քնաբերի միջոցով, ապա թունավորել ածխածնի օքսիդով` վառարանում վառելով ածխածին: Հատկանշական է, որ նրա զոհերից ամենատարեցը եղել է 80 տարեկան:
«Սև այրու» դատավարությունը Ճապոնիայում իսկական իրարանցում է առաջացրել: Դատապարտյալին նման մականուն են տվել սարդի համանմանությամբ, որը բեղմնավորումից հետո սպանում է արուին: Ավելի քան հազար մարդ հերթ են կանգնել դատարանի առաջ` ներկա գտնվելու դատավճռի հրապարակմանը:
Կինն իր զոհերին սպանել է այն բաից հետո, երբ նրանցից պարտքով գումար է վերցրել: Մեղադրյալի փաստաբանները պնդել են, որ մահացած տղամարդիկ կա՛մ ինքնասպանությամբ են վերջ տվել իրենց կյանքին, կա՛մ մահացել են բնական մահով: