Թիվ 29 ընտրատարածքում խոչընդոտներ են եղել շտաբ վարձակալելիս: Այսօր «Առաջին լրատվական»-ի հետ զրույցում ասաց թիվ 29 ընտրատարածքում առաջադրված թեկնածու Վահագն Մարտիրոսյանը`խոսելով նախընտրական քարոզչության ընթացքի և առաջացած խնդիրների շուրջ:
Վահագն Մարտիրոսյանն ասաց, որ առանձնապես խոչընդոտներ չկան, պարզապես ժողովուրդն է պասիվ, ամենամեծ խոչընդոտը դա է: Այդուհանդերձ, նա նշեց, որ խոչընդոտ են հեռուստատեսության արգելքները. «Միայն շտաբներ վարձակալելիս ենք խոչընդոտներ ունեցել, քանի որ տարածքների տերերն են զգուշավորություն ցուցաբերել: Պայմանավորվել էինք վարձակալել շտաբի տարածք, որի հաջորդ օրը տարածքի տերը հրաժարվեց այն տրամադրել, սակայն ես արդեն չորս շտաբ ունեմ: Ընտրացուցակներն ենք հետազոտում, իհարկե՝ ոչ ամբողջ ծավալով, քանի որ դա հնարավոր չէ: Իմ թաղամասի ընտրատարածքում առանձնապես մեծ խախտումներ չկան ընտրացուցակներում»,- մեկնաբանեց Վահագն Մարտիրոսյանը:
Հիշեցնենք, որ թիվ 29 ընտրատարածքում առաջադրված են նաև ՀՀԿ պատգամավոր Արկադի Համբարձումյանը, անկուսակցական Արմեն Մարտիրոսյանը:
