Ադրբեջանական APA լրատվական գործակալության փոխանցմամբ՝ Ստոկհոլմում գործող Խաղաղության ուսումնասիրության միջազգային ինստիտուտի (SIPRI) հրապարակած զեկույցում նշված է, որ Ադրբեջանն Իսրայելից սկսել է զենք գնել 2008 թվականից:
SIPRI-ի տվյալներով՝ 2008 թվականին Ադրբեջանն Իսրայելից գնել է 10 անօդաչու թռչող սարք (ԱԹՍ), 2010 թվականին՝ Ադրբեջանում հավաքելու համար նախատեսված «Աերոսթար» տիպի 10 ԱԹՍ, իսկ 2011 թվականին՝ «Հերմես-450» տիպի 2 ԱԹՍ:
2011 թվականին Իսրայելն Ադրբեջանին վաճառել է նաև «Բարաք-8» հրթիռային համակարգ, «Բարաք-8» տիպի 75 հրթիռ, «Գրին Փայն» (EL/M-2080) տիպի ռադար, «Գաբրիել-5» տիպի հականավային թևավոր հրթիռներ (քանակը չի հրապարակվում), «Հերոն» տիպի 5 ԱԹՍ և «Սըրչըր» տիպի 5 հրթիռ:
ՀԱՀ-ի հետ ռազմական համագործակցության շրջանակներում Ադրբեջանը 2009-2011 թվականներին գնել է 25-ական «Մատադոր» և «Մարաուդեր» տիպի զրահատրանսպորտ: 2009-2010 թվականներին Ադրբեջանն ԱՄՆ-ից գնել է 50, իսկ 2011 թվականին՝ Cummins-6V տիպի 60 դիզելային շարժիչներ՝ նախատեսված «Մատադոր» և «Մարաուդեր» տիպի զրահատրանսպորտների համար:
2010-2011 թվականներին Ադրբեջանը Թուրքիայից գնել է «Կոբրա» տիպի 60 զրահատրանսպորտ, 2011 թվականին՝ 107 միլիմետր տրամաչափի 30 ինքնագնաց ռեակտիվ կրակի համակարգեր:
2010 թվականին Ադրբեջանը Ռուսաստանից գնել է Фаворит С-300 զենիթա-հրթիռային համալիրի 2 դիվիզիոն, իսկ 2011 թվականին՝ ևս մեկ այդպիսի դիվիզիոն: Բացի այդ, Ադրբեջանը 2010 թվականին այդ համալիրների համար գնել է 75, իսկ 2011 թվականին՝ 37 հրթիռ: 2010 թվականին Ադրբեջանը Ռուսաստանի հետ համաձայնագիր է ստորագրել «Մի-35Մ» տիպի 24 ուղղաթիռ և «Մի-8ՄՏ/Մի-17» տիպի 60 ուղղաթիռ գնելու շուրջ, որոնցից ադրբեջանական կողմն արդեն իսկ ստացել է «Մի-35Մ» տիպի 4 և «Մի-8ՄՏ/Մի-17» տիպի 23 ուղղաթիռ:
2011 թվականին Ադրբեջանն Ուկրաինայից գնել է R-2 տիպի հակատանկային հրթիռներ:
