Իսրայելը կեղծավոր է համարել ՄԱԿ-ի Մարդու իրավունքների պաշտպանության խորհրդի որոշումն այն մասին, որ պետք է հետաքննություն անցկացվի ու բացահայտվի, թե ինչպիսի ազդեցություն են ունեցել իսրայելցիների բնակեցումները պաղեստինցիների իրավունքների վրա:
The Sydney Morning Herald-ը հաղորդում է, որ 1967 թվականին Իսրայելի կողմից գրավված տարածքներում 500.000 իսրայելցի և 2.5 միլիոն պաղեստինցի է ապրում:
Պաղեստինցիներն ասում են, որ բնակեցումները, որոնք անօրինական են համարվել Արդարադատության միջազգային դատարանի կողմից, իրենց հնարավորություն չեն տալիս պետականություն ունենալ և ցույց են տալիս, որ «երկու պետականություն ունենալու» լուծումն անհնար է: Իսրայելն ասում է, որ այս խնդիրը պետք է լուծվի խաղաղ բանակցությունների միջոցով:
